I dag har det vore mykje i media om prinsesse Ingrid Alexandra som har lagt hennar gamle klede for salg på nettstedet barnebloppis. Pengane går til Miljøagenten, og dimed kan dette setje fokus på gjenbruk og miljø. Men eg må ærleg seie at dersom prinsessa hadde vist fram klede som ho sjølv hadde kjøpt brukt for å spare miljø, så ville det ha vore eit bra oppslag! Uansett, eg hoppar på anledninga og vel å seie nokre ord om nettopp gjenbruk.

I 2009 kasta me i Noreg ca. 130.000 tonn klede. Dette er svimlande tall som kunne vore unngått ved arv, gjenbruk og eller ganske enkelt sy om klede, til dømes til vaskeklutar til kjøken. Ikkje berre er dette mykje avfall, forurensinga aukar dersom me òg ser på produksjon og frakt.

Det er lov å krysse fingrane for at gjenbruk, som nærmast har vorte mote, har gjort at tala kan hende har gått ned. Eg har dessverre ikkje oppdaterte tal, men kan hende nokre av dykk har det? Samstundes så er eg skeptisk, for nyleg har aviser som Aftenposten hatt overskrifter om at billege klede gjer at me shoppar som aldri før (trykk linken for å lese artikkelen).

Nøkkelord til å spare miljø når det gjeld mange ting er reparere, gjenbruke, redusere, avslå og resirkulere. Dette kan me let sjå når det gjeld klede; mykje kan me avslå, me kan både gi og kjøpe klede frå butikkar som Fretex, eller arve, me kan reparere særleg kvardagslege klede, og ikkje minst gjenbruke.

Kan hende slike auksjonar som prinsesse-salet no kan vere med å auke litt gjenbruksglede?

Auksjonen er i full gong!